Ég var beðin fyrir þó nokkru síðan að taka mér lyklaborð í hönd og pikka vel valin orð á vefsíðu BÍ/Bolungarvíkur. Markmiðið var að koma með kvenlegt innsæi á síðuna, ég gaf þetta frá mér enda nýgotin ef svo má segja og sagðist koma með pistilinn þegar andinn kæmi. En hver er pikkarinn? Ég er Pálína Jóhannsdóttir, dóttir Jóa Torfa og Helgu. Ég hef leikið knattspyrnu með BÍ og þjálfað fyrir BÍ og Bolungarvík en stend nú í því verkefni að búa til framtíðarleikmenn fyrir okkur vestanmenn ásamt ektamanninum Jóni Steinari Guðmundssyni.

Það má með sanni segja að megnan pungfnyk leggi frá pistlaskrifurum síðunnar hingað til, en nú mun verða breyting þar á. Fyrsti kvenpenninn af vonandi mörgum í sumar, er Guðbjörg Stefanía Hafþórsdóttir, sem fjallar um vorboðann ljúfa, BÍ/Bolungarvík.

Að þessu sinni er það ísfirðingurinn góðkunni Gylfi Ólafsson sem leggur hönd á penna í pistli, en Gylfi hefur þá sérstöðu að geta horft á þróun knattspyrnunnar á vestfjörðum utanfrá, ekki aðeins vegna þess að hann er búsettur í Svíþjóð, heldur einnig vegna þess hve gríðarlega góðan leikskilning hann hefur á leiknum.